三個「大躍進」要諗真

最新主機Playstation5主機的外觀設計成為熱烈討論話題。

PS5將推出4K Blu-ray光碟及無光碟版本兩款主機。

Sony Interactive Entertainment 上周五（12日）凌晨舉行發布會，最新Playstation5 （PS5）主機的外觀設計旋即成為一眾機迷及網民熱烈討論話題，有人大讚其充滿未來感的流線造型，亦有人發現PS5新look熟口熟面，一時話似直立風扇、一陣又話似Router，短短幾小時網上就充斥大量搞笑創意改圖瘋傳。笑還笑，相信PS5推出之時各機迷都係會乖乖俾錢，但PS5相比上一代主機都有多項「大躍進」，買機前真係要慎重考慮。（文：黃琪　圖：互聯網）

主機有碟冇碟要點揀？

PS5全球發布會雖然沒有公布主機規格，但就提及到將推出兩個版本的主機，一款為使用4K Blu-ray 光碟主機，另一款則為首次推出無光碟盤版本Digital Edition，所有遊戲都必須透過網絡下載。兩款主機相信價格上會有些許分別，但揀邊個版本，除要考慮閣下會否買賣二手實體版遊戲，平時又會唔會用部遊戲主機播放藍光電影碟，萬一需要更換主機時，數碼版遊戲能否再次下載等等，亦成為考慮因素。

新主機「高大上」？

許多人對外觀與宛如白衣包覆設計的PS5主機造型評價正反參半，不過Sony仍有許多細節尚未公布，譬如主機的實際尺寸。有網民「等唔切」自行將次世代主機與歷代 PlayStation 和 Xbox 做比較，利用各代主機的 USB、光碟讀取槽當作比例尺校正發現，PS5在直放狀態下，高度可說是「鶴立雞群」，當年被嫌體積過大的PS3 以及次世代勁敵 Xbox Series X 也矮上一截。有估計PS5在不計算底座的情況下，高度為38cm，Xbox Series X高度為30.1 cm，至於PS4 Pro則為29.5cm。當然，實際發售時可能有所誤差，但機迷在預購PS5前，最好先諗諗個電視櫃有冇足夠空間容納得下這台「高大上」。

與歷代PS主機一樣，PS5也可以橫放。

光碟機版價格曝光 史上最貴

除了主機規格，發布會同樣未有公布售價和正式發售日。但日前外電引述網民在英國Amazon發現有零售商將PS5上架，2TB儲存空間的PS5定價為599.99英鎊，折合接近澳門幣6,000元；大型零售商Play-Asia亦已火速將PS5光碟機版上架，出貨日期為2020年12月，定價為699.99美元。儘管外界早對PS5價格預算會上升，但較當年PS4首賣時高出75%，著實令人頗感意外。另外，DualSense手掣價格為79.99美元，相比DualShock 4同樣有加價。新機入手連兩隻Game加多隻手掣，相信冇7,000蚊都未必落到樓，仲未計「頭啖湯」唔多唔少都要食炒價，各位機迷要有少少心理上準備。

網民自製比例圖，PS5明顯「高人一等」，有網民就笑言「咁大部，點呃我老婆係Router呀？」