最新調查報告 澳門人房事次數亞洲稱霸

國際生活雜誌《Time Out》最新調查爆出驚人結果——澳門成為亞洲性生活最頻密城市冠軍！67%受訪澳門人每周至少有性生活一次，將各大城市遠遠甩在身後。調查覆蓋全球主要城市數千名受訪者，綜合出亞太區16個城市的數據。

亞洲戰況：澳門狂掃四冠，港人得淡笑

喺亞洲16個城市大比拼中，澳門簡直係橫掃式奪冠！每月平均房事9.2次登頂亞洲，泰國曼谷以9次緊隨其後，吉隆坡6.7次排第三。更誇張嘅係，澳門人每月有近12晚用嚟約會、遇到10個心動對象、主動出擊調情10次，三項指標全部稱霸亞洲！

反觀隔籬香港，數字一出真係唔知喊好定笑好——每月房事得3.2次、約會得3晚、遇到7個心動對象但只敢調情2.9次，多項指標喺16個亞洲城市中包尾。日本城市更慘烈，性生活次數指標中，大阪、東京、京都直接包辦倒數三甲，分別為3次，2.6次，2次。

生仔率就靠你哋呢班「世一戰神」啦！