衛星場轉型新案例

澳門衛星賭場時代正式落幕，位處內港的十六浦索菲特酒店冇賭場幫手，識得轉身，近日推出長租計劃及月租車位限時優惠，擺明車馬搶攻有長住或泊車需求嘅客仔。

長租計劃玩月費制，連續入住30晚，高級客房萬二澳門元（淨價）；想豪少少，可以揀濠庭十六浦一房式套房，月費兩萬五（淨價）。每日加多30蚊，仲可以升級住河畔景觀豪華客房，起身就望住內港風光。住宿包免費Wi-Fi、健身室、泳池同免費泊車，仲有餐廳同洗衣服務八折、每七日執房一次、免費加床一張，長住都唔會覺得降低質素。

揸車嘅朋友都有著數，月租車位限時優惠而家登場：私家車位月租2,500蚊，即送300蚊餐飲禮券；電單車位月租500蚊，送100蚊餐飲禮券。券仲可以夾埋其他優惠一齊用，額外享受2成優惠。

就算唔係長住客，只要喺酒店度消費，憑當日有效收據都可以免費泊三個鐘，行完十六浦周邊景點夠晒方便。

客房長租計劃:

⏰ 預訂期：即日起至2026年6月30日