「龍」心爆漿！中環龍蝦湯牛角包

爆漿基本上就人人都鍾意，咁除咗芝士重可以爆咩漿？位於中環善慶街嘅「FastGourmet」上月正式推出自創爆漿牛角包，有鹹、甜兩款選擇。鹹的有「龍蝦湯流心牛角包」，齋聽個名都夠晒吸引！

焗得香脆的牛角包，內裡有滿滿濃郁的龍蝦湯，有如在吃酥皮龍蝦湯；甜版有「海鹽焦糖咖啡流心牛角包」，食落像酥脆版的忌廉泡芙，加上店內出色的即磨咖啡， 堪稱一絕。同場推介「富士山下」雲石咖啡，賣相夠型格！（文：廖綺琪）

龍蝦湯流心牛角包 HK$42

切開香脆牛角包，湧出濃郁的龍蝦湯，意想不到！（相關機構圖片）

富士山下 HK$55

店內咖啡由當地烘焙專家「Return Coffee」主理， 有內涵之餘外表又設計感十足。